من نحن

للتحرش الجنسي اثار مدمرة على نفسية الضحية

بقلم د: اسراء صادق

للتحرش الجنسي اثار مدمرة على نفسية الضحية ، عواقبها لا تنتهي، صدمة تزلزل كيان المعتدى عليها … ومن أصعب العواقب اللي بتواجهها الضحية تعامل الأهل والمجتمع مع الواقعة، واللي في احيان كتير بيبقى صدمة تانية تتعرضلها الضحية وساعات أقوى من الأولى. الطبيعي لما يتم الاعتداء على حدود شخص سواء الجسدية او المادية او النفسية انه يلجأ لأهله من اجل حمايته وارجاع حقه. في أوقات كتير العكس هو اللي بيحصل … وتبدأ سلسلة من الاتهامات واللوم للضحية وفي لحظة تتحول للجاني والمسئول عن اللي حصلها !!! قلب الحقائق وتشويها يصيب الضحية في مقتل … هل هي مجني عليها ولا الجاني … هل هي السبب في اللي جرالها؟ هنا تبتدي الضحية ثقتها في نفسها تهتز وإحساسها بالذنب يعلى ويحل محل الإحساس بالظلم والاعتداء, يليها افتقاد للامان وإحساس بالخوف والقلق يبتدي يطاردها. ده غير كرهها لجسدها اللي تسبب ليها في الأذى مرة على يد معتدي هي مش فاهمة كان عايز منها ايه وتسبب ليها في لوم واتهام مرة تانية على جريمة هي ضحيتها وإذ فجأة أصبحت هي السبب فيها. في هرم Maslow للاحتياجات البشرية … احتياج الأمان ده تاني خطوة بعد الاحتياجات الفسيولوجية للأكل والشرب ، ولما الأمان يفقد اي حاجة بعد كده هتفقد معناها لان الحياة هتصبح مكان مخيف ومرعب. وأولى مراحل دعم الضحية هو الاعتراف ببشاعة الفعل اللي وقع عليها وتسمية الفعل باسمه الحقيقي والتوقف عن لومها على جريمة هي ضحيتها وليس الجاني فيها. من حق الضحية في مجتمع امن يحميها ويساعدها في التعامل مع صدمتها بشكل صحي. من غير ما يزيد معاناتها ويحملها صدمات فوق صدماتها يسمعها من غير ما يحملها ذنوب ومسئولية جريمة هي ضحيتها التحرش جريمة عواقبه بتأثر علي المرأة طول حياتها والسكوت عن الجريمة دي وإلقاء اللوم على الضحية جريمة تانية اشد قسوة وأصعب في النتيجة من حق الضحية تحكي من غير خوف من حق الضحية تحس بأمان #أتكلموا #التحرش_مش_غزل #MeToo.

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق
%d مدونون معجبون بهذه: