من نحن

خلاصة البيان في منتجات الألبان

كتب : دكتور أحمد أمين

الخلاصة بقى عشان ناس كتير لسه متلخبطة و ماشية غلط ،،

من الشهر السادس ،، ندي ولادنا زبادي و جبن عادي خالص و لبن رايب كمان

من الشهر التاسع كمان ممكن نطبخ باللبن العادي و نعمل بيه مهلبية و رز بلبن و بودنج كمان ((في مراجع بتقول من السادس كمان)) بس خلينا في التاسع معلش

الممنوع شرب اللبن البقري او الجاموسي مباشرة بس

Any processed milk is allowed

زبادي – جبن – لبن رايب – مطبوخ مسموح عادي خالص

وده لأن عملية التجبن او الطبخ بتكسر البروتينات اللي ممكن تسبب مشاكل للرضع و كمان بتغير تركيزات الكالسيوم و الفوسفات و بتخلي امتصاصهم اسهل و مناسب لرضيعك

و أزيدك كمان ؟ دول مش بس مسموح بيهم ،، دول كمان مصدر هام و غني جدا بالفيتامينات و الكالسيوم و مش المفروض نحرم ولادنا منهم عشان اعتقادات خاطئة انتشرت بين الاطباء و الآباء و الأمهات

طيب حساسية الألبان اللي بيخوفونا منها يا دكتور ؟!

– يادي حساسية الالبان اللي مفترى عليها دي ،، شوفي يا ستي ،، ابنك لا يمكن يجي له حساسية ابدا بسبب انه دخل الزبادي او منتجات الالبان بعد السادس ،، انك تحرمي ابنك من المنتجات دي خوفا من حساسية الالبان حاجة غير منطقية و غير معقولة و غير صحيحة طبيا

الخلاصة : بعد السادس أكلوا ولادكم زبادي و جبن و منتجات ألبان عادي خالص ،، متحرميش اولادك من حاجات مفيدة و صحية زي دي .

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق
%d مدونون معجبون بهذه: